هاندان و داهێنان

له‌ هه‌فته‌ى رابردوودا پڕۆژه‌ی جوانی شاراوه‌ی ده‌زگای روئیا هه‌ڵسا به‌ كردنه‌وه‌ی پێشانگایه‌ك له‌ مۆزه‌خانه‌ى (S.M.A.K.) بۆ هونه‌ره‌ هاوچه‌رخه‌كان له‌ شاری گێنت له‌ وڵاتی به‌لجیكا. ئه‌م پێشانگایه‌ به‌هه‌مان شێوه‌ى به‌شی عێراق له‌ په‌نجاوشه‌شه‌مین بیناڵی ڤینیسیا له‌ ساڵی 2015 دا، بۆ یه‌كه‌مین جاربوو نمایش بكرێت و ده‌زگای روئیاش به‌رٍێز فیلیپ ڤان كۆوتێرنی به‌رێوه‌به‌ری هونه‌ری مۆزه‌خانه‌ی (S.M.A.K) ى كردبوو به‌ سه‌رپه‌رشتیاری پێشانگایه‌كه‌.

پێشانگای جوانی شاراوه‌ كاره‌ هونه‌ریه‌كانی پێنج هونه‌رمه‌ندی عێراقی نمایش ده‌كات و ناوونیشانی پێشانگایه‌كه‌ش”جوانی شاراوه‌” جه‌خت له‌ سه‌ر پێگه‌ی شاراوه‌و نه‌بینراوی ئه‌م هونه‌رمه‌ندانه‌ ده‌كاته‌وه‌، ئه‌وان ناچارن كه‌ پێكه‌وه‌ هه‌ماهه‌نگی وكاربكه‌ن هه‌م له‌ سه‌ر ئاستی وڵاته‌كه‌یان، كه‌ تیایدا مه‌شهه‌دی گه‌شه‌سه‌ندنی هونه‌ری خۆجێیی هاوچه‌رخ رووبه‌رووی كۆسپ و به‌ربه‌ستی گه‌وره‌ بووه‌ته‌وه‌ به‌هۆی دابڕانی دارایی و دیجیتاڵی وكه‌لتوریه‌وه‌، وهه‌میش له‌ سه‌ر ئاستی نێوده‌وڵه‌تیدا. هه‌روه‌ها سه‌رجه‌م كاره‌ هونه‌ریه‌كانی ئه‌م پێشانگایه‌ باسكردنه‌ له‌م هه‌موو توندوتیژیه‌ی كه‌ رووبه‌رووی خه‌ڵكی مه‌ده‌نی و ئه‌م وێرانكاریه‌ گه‌وره‌یه‌ش كه‌ رووبه‌رووی كه‌ له‌پوره‌ كۆن و دێرینه‌ جیهانیه‌كه‌ی بووه‌ته‌وه‌. هه‌روه‌ها پێشانگای شوێنه‌واره‌كانی مانه‌وه‌ش، كه‌پێشانگایه‌كی نیگاركێشانی ئاواره‌كان بوو له‌ باكوری عێراق و له‌ بنه‌ره‌تدا له‌ ڤینیسیا كرایه‌وه‌ هاوشان له‌گه‌ڵ بڵاوكراوه‌ی سه‌ره‌كی له‌ ژێر هه‌مان ناوو نیشاندا، له‌ سه‌ر شاشه‌نمایشكراوه‌.

هه‌رپێنج هونه‌رمه‌نده‌ به‌شداربووه‌كه‌ له‌ كردنه‌وه‌ى پێشانگایه‌كه‌دا ئاماده‌بوون. هه‌ریه‌ك له‌ هونه‌رمه‌ندان سه‌لام عه‌تا صه‌بری و له‌تیف ئه‌لعانی له‌ به‌غداوه‌ سه‌فه‌ریان كردبوو، ئاكام شێخ هادیش له‌ شاری سولێمانیه‌وه‌ سه‌فه‌ری كردبوو هه‌روه‌ها ره‌باب غه‌ززول له‌ شاری كاردیفی وڵاتی به‌ریتانیاوه‌ هاتبوو. حه‌یده‌ر جه‌بار، ئه‌م هونه‌رمه‌نده‌ش كه‌ ماوه‌یه‌كی كه‌مده‌بێت هاتوته‌ شاری گێنت ئه‌ویش ئاماده‌بوو له‌ كردنه‌وه‌ی پێشانگایه‌كه‌دا. هه‌روه‌ها ئه‌ندامانی ئه‌نجوومه‌نی ئیداره‌ى ده‌زگای روئیاش، هه‌ریه‌ك خاتوو تامارا چه‌له‌بی(سه‌رۆك)، شوان ته‌ها و ریم شه‌زه‌ر كوببه‌، له‌ كردنه‌وه‌ی پێشانگاكه‌دا ئاماده‌ بوون.

له‌ ووته‌ی به‌خێرهێنانیدا، به‌ڕیز فیلیپ ڤان كه‌وتێرن، باسی له‌وه‌كرد كه‌جۆرێك له‌ هاوشانی هه‌یه‌ له‌ نێوان كار و زانیاریه‌ هونه‌ریه‌كانی به‌لجیكا له‌ سه‌رده‌می جه‌نگی جیهانی دووه‌م و ئه‌مه‌ش كه‌ ئه‌مڕۆ له‌ عێراقدا هه‌یه‌. سیاقی سیاسی كارى هونه‌رمه‌ندان له‌ دوای بینالی ڤینیسیاوه‌ گۆڕانكاری زۆر گه‌وره‌و به‌رچاوی به‌خۆیه‌وه‌ بینیوه‌. له‌ ساڵی رابردووه‌وه‌، هه‌ر یه‌ك له‌ به‌لجیكا و وڵاتانی ئه‌وروپا ده‌سته‌و یه‌خه‌بوونه‌ ته‌وه‌ له‌گه‌ڵ كۆچی سه‌دان هه‌زار په‌نابه‌ر له‌ پیاو و ژن و منداڵ كه‌ له‌ روژهه‌ڵاتی ناوه‌راست و ئه‌فریقیاوه‌ رویان له‌م وڵاتانه‌كردوه‌. مۆزه‌خانه‌ی (S.M.A.K.) ژماره‌یه‌ك پرۆژه‌ی هاوته‌ریبی كردوه‌ته‌وه‌ وه‌ك وه‌ڵام و ره‌نگدانه‌وه‌یه‌ك بۆ دۆخی سیاسی وله‌مانه‌ش ئه‌نجامدانی زنجیره‌یه‌ك گفتوگۆ و وتووێژ له‌گه‌ڵ هونه‌ره‌ندانی به‌شداربوو هه‌روه‌ها ئه‌نجامدانی كۆمه‌ڵێك گه‌ڕان و وۆركشوپ بۆ ئه‌م ئاوارانه‌ی كه‌ له‌ شاری جینت گیرساونه‌ته‌وه‌.

پێشانگای مۆزه‌خانه‌ی (S.M.A.K.) له‌ شاری گێنت له‌ به‌لجیكا به‌شێكه‌ له‌ په‌یامی ده‌زگای روئیا بۆ هێنان و راكێشانی هونه‌رو كولتوری عێراقی بۆ به‌رده‌م جه‌ماوه‌ری نێوده‌وڵه‌تی. وه‌ك ده‌ره‌نجامێكی نمایشكردنی پێشانگای جوانی شاراوه‌ له‌ هه‌ریه‌ك له‌ ڤینیسیا و گێنت. دوای ساڵانێكی زۆر دیارنه‌بوون و دابران تواندرا له‌تیف ئه‌لعانی بدوزرێته‌وه‌ هه‌روه‌ها ده‌ستنیشانكرا بۆ وه‌رگرتنی خه‌ڵات له‌ ئاهه‌نگی دابه‌شكردنی خه‌ڵاتی كلاوس پاشادا له‌ ساڵی 2015؛ هه‌روه‌ها سه‌لام عه‌تا صه‌بری به‌شداریكرد له‌ دوو پێشانگای سه‌ره‌كیدا له‌ نیگار كێشانی هاوچه‌رخ له‌ مۆزه‌خانه‌ى (S.M.A.K)و ناوه‌ندی كولتوری سترومبیكدا – Strombeek- هه‌روه‌ها به‌شداریش ده‌كات له‌ فیستیفاڵی هونه‌ری نێوده‌وڵه‌تی ئه‌ڵته‌رناتیڤا له‌شاری (Gdansk) له‌ وڵاتی پۆڵه‌ندا؛ ئاكام شێخ هادی به‌شداریكرد له‌ پێشانگایه‌ك له‌ شاری دۆسڵدورف له‌ مانگی كانوونی دووه‌می ساڵی 2016 و حه‌یده‌ر جه‌باریش بانگهێشتكراوه‌ بۆ ئه‌وه‌ى به‌شداری بكات له‌ چه‌ند پێشانگایه‌كی لۆكاڵی له‌ به‌لجیكا له‌ ساڵانی 2015 و 2016 دا.

ئه‌م پێشانگایه‌ی كه‌ ئێستا له‌ مۆزه‌خانه‌ى (S.M.A.K) كراوه‌ته‌وه‌ به‌رده‌وام ده‌بێت تاوه‌كو 4/9/2016.